I2-34-band. 2-bob. Boshqa davlatlardan viloyatga kelgan chet el fuqarolari va fuqaroligi bo'lmagan shaxslarga doimiy yashashga ruxsatnoma berish tartibi — I2-34-band

IIV MvaFRBB tomonidan ijobiy javob xati olingan va ayni paytda uy-joy mulkdori tomonidan yozma rad javobi berilgan taqdirda, shuningdek, ariza beruvchi yoki uy-joy mulkdori xabardor qilingan kundan boshlab olti oy muddat ichida ariza beruvchi doimiy yashashga ruxsatnomani rasmiylashtirish uchun murojaat qilmasa, MvaFRB xulosani ijro qilish imkoniyati yo'qligini yozma ravishda ma'lum qilgan holda, uch ish kunida ariza beruvchining shaxsiy yig'majildini QR IIV MvaFRB va IIB MvaFRBga yuboradi. QR IIV MvaFRB, IIB MvaFRB hujjatlarni o'rganib chiqib, avvalgi ijobiy xulosani bekor qilish yuzasidan Qoraqalpog'iston Respublikasi ichki ishlar vaziri o'rinbosari, viloyat ichki ishlar boshqarmasi boshlig'i o'rinbosari tomonidan tasdiqlanadigan xulosani qabul qiladi va bu haqda IIV MvaFRBBga yozma ravishda ma'lumot yuboradi. Xulosa ariza beruvchining shaxsiy yig'majildiga biriktirilgan holda, ijro uchun MvaFRBga qaytarib yuboriladi.