I2-49-band. 4-bob. Viloyat hududida doimiy yashovchi chet el fuqarosi va fuqaroligi bo'lmagan shaxsning doimiy yashashga ruxsatnomasi va doimiy ro'yxatini bekor qilish tartibi — I2-49-band

Mazkur Nizomning 14-bandi asosida doimiy yashashga ruxsatnoma olgan chet el fuqarosi va fuqaroligi bo'lmagan shaxsning doimiy yashashga ruxsatnomasi tegishli davlat hokimiyati va boshqaruvi organi, xo'jalik birlashmasi, respublika ahamiyatiga molik boshqa davlat tashkilotlari rahbarining MvaFRBga taqdim etilgan bildirishnomasi asosida bekor qilinadi. Agar chet el fuqarosi va fuqaroligi bo'lmagan shaxsning doimiy ro'yxatga olinishi uchun boshqa asoslar mavjud bo'lmasa, MvaFRB besh ish kunida doimiy yashashga ruxsatnomani bekor qilish uchun shaxsiy yig'ma ish jildini IIV MvaFRB va IIB MvaFRBga yuboradi hamda bu haqda chet el fuqarosi yoki fuqaroligi bo'lmagan shaxsni ogohlantiradi. QR IIV MvaFRB va IIB MvaFRB hujjatlarni o'rganib chiqib, doimiy yashashga ruxsatnomani bekor qilish bo'yicha Qoraqalpog'iston Respublikasi ichki ishlar vaziri o'rinbosari, viloyat ichki ishlar boshqarmasi boshlig'i o'rinbosari tomonidan tasdiqlanadigan asoslantirilgan qaror qabul qiladi va bu haqda IIV MvaFRBBga yozma ravishda ma'lumot yuboradi. Qaror shaxsiy yig'ma ish jildiga biriktirilgan holda, ijro uchun MvaFRBga qaytarib yuboriladi.