Korxonani ijaraga berish shartnomasi bo'yicha ijaraga beruvchi ijaraga oluvchiga vaqtincha egalik qilish va foydalanish uchun mulkiy kompleks sifatida butun korxonani yoki uning bir qismini haq evaziga berish majburiyatini oladi, ijaraga beruvchi boshqa shaxslarga o'tkazishi mumkin bo'lmagan huquq va majburiyatlar bundan mustasno.
Ijaraga beruvchi o'z qarzlarini ijaraga oluvchining zimmasiga o'tkazishi haqida kreditorlarini yozma ravishda ogohlantirishi shart, kreditorlar bunga rozi bo'lmasalar, ogohlantirishni olgan vaqtdan boshlab uch oy davomida ijaraga beruvchidan tegishli majburiyatlarni bekor qilishni yoki muddatidan oldin bajarishni va shu tufayli yetkazilgan zararni qoplashni talab qilishga haqli. Agar shu muddatda mazkur talablardan birontasi bildirilmasa, kreditor tegishli qarzning ijarachiga o'tkazilishiga rozilik bergan deb hisoblanadi.
Ijaraga beruvchidan majburiyatlarni bekor qilishni yoki muddatidan oldin bajarishni va zararni qoplashni talab qilgan kreditorlar bilan hisob-kitob qilib bo'linganidan keyingina korxona ijarachiga topshirilishi mumkin.
Korxona mulkiy kompleks sifatida ijaraga berilganidan keyin ijaraga beruvchi bilan ijaraga oluvchi topshirilgan korxona tarkibiga kiritilgan va ijaraga oluvchiga kreditorning roziligisiz o'tkazilgan qarzlar bo'yicha solidar javobgar bo'ladilar.
Agar qonunchilikda boshqacha tartib nazarda tutilgan bo'lmasa, ijaraga beruvchining tegishli faoliyat bilan shug'ullanish uchun maxsus ruxsatnoma (litsenziya) asosida olgan huquqlari ijaraga oluvchiga berilishi mumkin emas. Ijarachi maxsus ruxsatnoma (litsenziya)si bo'lmaganligi sababli bajara olmaydigan majburiyatlarni shartnoma bo'yicha topshirilayotgan korxona tarkibiga kiritish ijaraga beruvchini kreditorlar oldidagi tegishli majburiyatlardan ozod qilmaydi.
lex.uz’dagi asl matn579-modda. Korxonani ijaraga berish shartnomasi
(579-модданинг бешинчи қисми Ўзбекистон Республикасининг 2021 йил 21 апрелдаги ЎРҚ-683-сонли Қонуни таҳририда — Қонунчилик маълумотлари миллий базаси, 21.04.2021 й., 03/21/683/0375-сон)
Oddiy tilda
KORXONANI IJARAGA BERISH SHARTNOMASI
Nimani anglatadi
Ijaraga beruvchi o'zining butun korxonasini yoki uning bir qismini ijaraga oluvchiga vaqtincha foydalanish uchun beradi. Ijaraga oluvchi buning uchun pul to'laydi. Bu shartnomada korxona bitta butun mulkiy kompleks sifatida beriladi, ya'ni barcha assetlari, huquqlari va majburiyatlari bilan.
Kimga tegishli
Bu shartnoma ijaraga beruvchi va ijaraga oluvchi o'rtasida tuziladi.
Amalda
Masalan, savdo do'koni egasi o'zining do'konini boshqa shaxsga ijaraga beradi. Do'kon tarkibidagi barcha narsalar, huquqlar va qarzlar ijaraga oluvchiga o'tadi. Lekin ijaraga beruvchi o'zining kreditorlarini yozma ravishda ogohlantirishi shart, aks holda kreditorlar uch oy ichida qarzlarni bekor qilishni talab qilishlari mumkin.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.