To'lovchi chek bo'yicha pul to'lashdan bosh tortgan va bu hol ushbu Kodeksning 814-moddasiga muvofiq tasdiqlanganida chek saqlovchi o'z xohishiga ko'ra chek bo'yicha majburiyatli bo'lgan bitta, bir necha yoki barcha shaxslarga (chek beruvchi, avalchilar, indossantlarga) nisbatan da'vo qo'zg'atishga haqli bo'lib, ular chek saqlovchi oldida solidar javobgar bo'ladilar.
Chek saqlovchi mazkur shaxslardan chek summasini, chek bo'yicha pul olishga qilgan o'z chiqimlarini, shuningdek foizlarni ushbu Kodeks 327-moddasining birinchi va ikkinchi qismlarida nazarda tutilgan miqdorda va tartibda to'lashni talab qilishga haqli. Xuddi shunday huquqqa chek bo'yicha pul to'lashi shart bo'lgan shaxs ham chek bo'yicha pul to'laganidan keyin ega bo'ladi.
Chek saqlovchining ushbu moddaning birinchi qismida ko'rsatilgan shaxslarga nisbatan da'vosi chekni haq to'lashga taqdim etish muddati tamom bo'lgan kundan e'tiboran olti oy mobaynida qo'zg'atilishi mumkin. Majburiyatli shaxslarning bir-birlariga nisbatan da'volari bo'yicha regress talablari tegishli majburiyatli shaxs talabni qondirgan kundan yoki unga da'vo qo'zg'atilgan kundan boshlab olti oy o'tgach qoplanadi.
lex.uz’dagi asl matn816-modda. Chek bo'yicha pul to'lamaslik oqibatlari
Oddiy tilda
**CHEK BO'YICHA PUL TO'LAMASLIK OQIBATLARI**
Nimani anglatadi
Agar to'lovchi chekka pul to'lashdan bosh tortsa, chek saqlovchi (ushbu chekni ushlab turgan odam) chek beruvchi, avalchilar va boshqa mas'ul shaxslardan pul talab qila oladi. Bu shaxslar hammasi birga javobgar bo'ladilar. Chek saqlovchi faqat chek summasini emas, balki chekni to'lash uchun qilgan xarajatlarini va foizlarini ham talab qilish huquqiga ega.
Kimga tegishli
Bu huquq chekni ushlab turgan har qanday shaxsga, shuningdek chek bo'yicha pul to'lagan shaxsga tegishli.
Amalda
Akmal Rustamga 5 million so'm chekni berdi. Rustam chekni Karimga indossatsiya qildi. Karim bankka chekni haq to'lashga taqdim etdi, lekin bank to'lashdan bosh tortdi. Karim Akmal va Rustamdan pul talab qila oladi, ular ikkalasi ham javobgar.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.