281-modda. Birinchi instantsiya sudining qarori, ajrimi ustidan apellyatsiya shikoyati (protesti)

Birinchi instantsiya sudining ajrimlari ustidan ushbu Kodeksda nazarda tutilgan hollarda shikoyat qilinishi (protest keltirilishi) mumkin. Birinchi instantsiya sudining qarori, ajrimi ustidan ushbu Kodeksda belgilangan qoidalar bo'yicha berilgan apellyatsiya shikoyati (protesti) ushbu bobda sudning hal qiluv qarori ustidan berilgan apellyatsiya shikoyatini (protestini) ko'rish uchun nazarda tutilgan tartibda apellyatsiya instantsiyasi sudi tomonidan ko'riladi. Apellyatsiya instantsiyasi sudi birinchi instantsiya sudining qarori, ajrimi ustidan berilgan shikoyatni (protestni) ko'rib chiqish natijalari bo'yicha quyidagilarga haqli: 1) qarorni, ajrimni o'zgarishsiz qoldirishga; 2) qarorni, ajrimni o'zgartirishga yoxud bekor qilishga; 3) da'vo arizasini qabul qilishni rad etish, da'vo arizasini qaytarish, da'vo arizasini ko'rmasdan qoldirish, ish yuritishni tugatish, ish yuritishni to'xtatib turish to'g'risidagi ajrimni bekor qilishga va da'vo arizasini, ishni birinchi instantsiya sudida ko'rib chiqish uchun yuborishga; 4) ajrimni bekor qilishga va da'vo arizasini (arizani), ish materiallarini ko'rib chiqish uchun sudga taalluqliligiga ko'ra boshqa sudga yuborishga.