100-modda. Mahkumlarning umumiy o'rta ta'limi

Jazoni ijro etish muassasalarida mahkumlarning umumiy o'rta ta'limi tashkil etiladi. Muassasa ma'muriyati mahkumlarga ular ta'lim olishi va mustaqil ta'lim olishi uchun qonunchilikda belgilangan tartibda sharoitlar yaratadi hamda zarur ko'mak ko'rsatadi. Yoshi o'ttizdan oshgan mahkumlar, I va II guruh nogironligi bo'lgan shaxslar xohishlariga ko'ra ta'lim olishga jalb etiladilar. Mahkumlarning oliy va o'rta maxsus o'quv yurtlarida ta'lim olishiga yo'l qo'yilmaydi, manzil-koloniyalardagi mahkumlar bundan mustasno bo'lib, ular o'quv yurtlarining sirtqi bo'limlarida ta'lim olishlari mumkin. O'quv yurtlarida ta'lim olayotgan mahkumlar imtihonlarni topshirish uchun qonunchilikka muvofiq ishdan ozod qilinadi. Mahkumlarning umumiy o'rta ta'limini tashkil etish qonunchilikda belgilangan tartibda amalga oshiriladi.