Nomusga tegish, ya'ni zo'rlik ishlatib, qo'rqitib yoki jabrlanuvchining ojizligidan foydalanib, jinsiy aloqa qilish, —
besh yildan sakkiz yilgacha ozodlikdan mahrum qilish bilan jazolanadi.
Nomusga tegish:
a) ikki yoki bir necha shaxsga nisbatan;
b) takroran, xavfli retsidivist tomonidan yoki ilgari ushbu Kodeksning 119, 121, 128 va (yoki) 129-moddalarida nazarda tutilgan jinoyatlarni sodir etgan shaxs tomonidan;
v) bir guruh shaxslar tomonidan;
g) o'ldirish bilan qo'rqitib;
d) nogironlik belgisiga ega ekanligi aybdorga ayon bo'lgan shaxsga nisbatan sodir etilgan bo'lsa, —
sakkiz yildan o'n yilgacha ozodlikdan mahrum qilish bilan jazolanadi.
Nomusga tegish:
a) o'n sakkiz yoshga to'lmagan shaxsga nisbatan;
b) yaqin qarindoshga, sobiq xotiniga (sobiq eriga), bir ro'zg'or asosida birgalikda yashayotgan shaxsga yoxud umumiy farzandga ega bo'lgan shaxsga nisbatan;
v) jabrlanuvchini tarbiyalash, o'qitish va (yoki) unga g'amxo'rlik qilish majburiyatlarini bajarayotgan shaxs tomonidan, shuningdek jabrlanuvchiga qarab turish majburiyatlari qonun bilan zimmasiga yuklatilgan ta'lim, tarbiya, davolash yoki boshqa muassasaning xodimi tomonidan;
g) ommaviy tartibsizliklar ishtirokchisi tomonidan;
d) o'ta xavfli retsidivist tomonidan sodir etilgan bo'lsa;
ye) og'ir oqibatlarga olib kelgan bo'lsa, —
o'n yildan o'n besh yilgacha ozodlikdan mahrum qilish bilan jazolanadi.
O'n to'rt yoshga to'lmagan shaxsning nomusiga tegish, —
o'n besh yildan yigirma yilgacha ozodlikdan mahrum qilish bilan jazolanadi.
lex.uz’dagi asl matn118-modda. Nomusga tegish
(118-модданинг матни Ўзбекистон Республикасининг 2023 йил 11 апрелдаги ЎРҚ-829-сонли Қонуни таҳририда — Қонунчилик маълумотлари миллий базаси, 12.04.2023 й., 03/23/829/0208-сон)
Oddiy tilda
NOMUSGA TEGISH (118-MODDA)
Nimani anglatadi
Nomusga tegish — bu zo'rlik, qo'rqitish yoki jabrlanuvchining ojizligidan foydalanib, uning roziligi siz jinsiy aloqa qilishdir. Bu juda og'ir jinoyat bo'lib, qurbonning tanasiga va ruhiyatiga katta zarar yetkazadi.
Kimga tegishli
Bu modda barcha fuqarolar va O'zbekistonda bo'lgan chet elliklar uchun qo'llaniladi.
Amalda
Agar biror kishi boshqa shaxsni zo'r-ziyofa bilan jinsiy aloqa qilishga majbur qilsa, bu nomusga tegish hisoblanadi va 5 yildan 20 yilgacha qamoqqa olinadi. Masalan, kuchli shaxs zaif kishini tahdid qilib yoki uning qo'rquvidan foydalanib jinsiy aloqa qilsa, bu jinoyat bo'lib, qonun bilan qattiq jazolanadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.