Xizmat, moddiy yoki boshqa jihatdan aybdorga qaram bo'lgan shaxsni jinsiy aloqa qilishga yoki jinsiy ehtiyojni g'ayritabiiy usulda qondirishga majbur etish, —
uch yuz soatdan to'rt yuz sakson soatgacha majburiy jamoat ishlari yoki ikki yildan uch yilgacha axloq tuzatish ishlari yoxud bir yildan uch yilgacha ozodlikni cheklash yoki bir yildan uch yilgacha ozodlikdan mahrum qilish bilan jazolanadi.
O'sha harakat og'ir oqibatlarga olib kelsa, —
uch yildan besh yilgacha ozodlikni cheklash yoki uch yildan besh yilgacha ozodlikdan mahrum qilish bilan jazolanadi.
O'sha harakat jinsiy aloqada bo'lish yoki jinsiy ehtiyojni g'ayritabiiy usulda qondirish bilan bog'liq holda sodir etilgan bo'lsa, —
uch yildan besh yilgacha ozodlikni cheklash yoki uch yildan besh yilgacha ozodlikdan mahrum qilish bilan jazolanadi.
Ushbu moddaning uchinchi qismida nazarda tutilgan harakat:
a) o'n sakkiz yoshga to'lmagan shaxsga nisbatan;
b) yaqin qarindoshiga, sobiq xotiniga (sobiq eriga), bir ro'zg'or asosida birgalikda yashayotgan shaxsga yoxud umumiy farzandga ega bo'lgan shaxsga nisbatan;
v) takroran, xavfli retsidivist tomonidan yoki ilgari ushbu Kodeksning 118, 119, 128 va (yoki) 129-moddalarida nazarda tutilgan jinoyatlarni sodir etgan shaxs tomonidan;
g) og'ir oqibatlarga olib kelsa, —
besh yildan sakkiz yilgacha ozodlikdan mahrum qilish bilan jazolanadi.
lex.uz’dagi asl matn121-modda. Shaxsni jinsiy aloqa qilishga majbur etish
(121-модда Ўзбекистон Республикасининг 2023 йил 11 апрелдаги ЎРҚ-829-сонли Қонуни таҳририда — Қонунчилик маълумотлари миллий базаси, 12.04.2023 й., 03/23/829/0208-сон)
Oddiy tilda
**Nimani anglatadi**
Bu modda shaxsni jinsiy aloqaga majbur etishni jinoyat deb belgilaydi. Agar kimdir o'ziga qaram bo'lgan odamni (xodim, talaba, boshqaruvda bo'lgan shaxs) jinsiy aloqaga yoki g'ayritabiiy usulga majbur etsa, bu jinoyat hisoblanadi. Majburiyat kuch, tahdid yoki moddiy manfaat orqali amalga oshiriladi.
**Kimga tegishli**
Bu qonun barcha fuqarolar va O'zbekistonda bo'lgan shaxslarga tegishli.
**Amalda**
Ish beruvchi o'z xodimini ishni yo'qotish tahdidi bilan jinsiy aloqaga majbur etsa, bu 121-moddaga ko'ra jinoyat bo'lib, 1-3 yil qamoqqa olinishi mumkin. Agar qurbon bolsa yoki takroriy harakat bo'lsa, jazo 5-8 yilga ko'tariladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.