103-modda. Gazdan yoqilg'i yoki xom ashyo sifatida foydalanish bilan bog'liq bo'lgan huquqbuzarliklar

(103-модда биринчи қисмининг диспозицияси Ўзбекистон Республикасининг 2026 йил 11 мартдаги ЎРҚ-1121-сонли Қонуни таҳририда — Қонунчилик маълумотлари миллий базаси, 12.03.2026 й., 03/26/1121/0222-сон. Кучга кириш санаси — 2026 йил 13 июнь)

Mansabdor shaxs yoki yakka tartibdagi tadbirkor tomonidan gazdan foydalanish qurilmasiga gazni ruxsatsiz ochib berish yoki gaz iste'mol qilishning belgilangan tartibiga rioya qilmaslik yoxud gazdan foydalanish qurilmalarida gaz sarflashning tasdiqlangan solishtirma normalarisiz gaz sarflash yoki bunday normalardan ortiqcha sarflash — bazaviy hisoblash miqdorining ikki baravaridan uch baravarigacha miqdorda jarima solishga sabab bo'ladi. Mansabdor shaxs yoki yakka tartibdagi tadbirkor tomonidan gazdan foydalanish qurilmalarini gaz sarfini hisobga olmay turib yoki gaz qo'llanib hosil qilinadigan issiqlik energiyasi va mahsulotlarni hisobga olmay turib ishlatish yoxud gazdan foydalanish qurilmasi loyihasida nazarda tutilgan gaz yonish jarayonini avtomat tarzda boshqarib turuvchi vositalarning, issiqlik texnikasi nazorati asboblarining yoki gazdan oqilona va samarali foydalanishni ta'minlovchi issiqlikdan foydalanish uskunalarining bo'lmasligi (buzuqligi) — bazaviy hisoblash miqdorining bir baravaridan ikki baravarigacha miqdorda jarima solishga sabab bo'ladi. Gaz iste'mol qiluvchi korxona, muassasa va tashkilotlar uchun nazarda tutilgan rezerv yoqilg'i xo'jaligining ishga tayyor emasligi yoki gazdan foydalanish qurilmalarining belgilangan rezerv yoqilg'i turlarida ishlashga tayyor emasligi — mansabdor shaxslarga bazaviy hisoblash miqdorining bir baravaridan ikki baravarigacha miqdorda jarima solishga sabab bo'ladi.

lex.uz’dagi asl matn

Oddiy tilda

GAZDAN FOYDALANISH BILAN BOG'LIQ HUQUQBUZARLIKLAR Nimani anglatadi Bu modda gazdan xavfsiz va to'g'ri foydalanmaslik uchun jarima qo'yadi. Mansabdor shaxs yoki tadbirkor gazni ruxsatsiz ochib bersa, qoidalarga rioya qilmasa yoki gazni ortiqcha sarflasa — jarima to'lanadi. Shuningdek, gaz qurilmasida avtomatik boshqaruv vositalari yoki issiqlik nazorat asboblari bo'lmasa ham jarima qo'yiladi. Kimga tegishli Bu qoidalar mansabdor shaxslar, yakka tartibdagi tadbirkorlar va gaz iste'mol qiluvchi korxonalarga tegishli. Amalda Agar fabrika direktori gaz qurilmasining avtomatik o'chirilish tizimini o'rnatmasdan ishlatsalar yoki gaz sarfini hisobga olmay ortiqcha sarflasalar, unga bazaviy miqdorning 2-3 baravari miqdorda jarima solish mumkin. Yoki qishda gaz ta'minoti to'xtasa, rezerv yoqilg'i xo'jaligi tayyor bo'lmasa, mansabdor shaxsga jarima qo'yiladi.

Izoh sun’iy intellekt tomonidan tayyorlangan, rasmiy sharh emas.

Sizning vaziyatingiz shu moddaga mos keladimi?

Bepul so‘rang — vaziyatingizni o‘z so‘zlaringiz bilan yozing

Bepul rejada oyiga 10 ta savol. Karta talab qilinmaydi.

Bu masala bo‘yicha hujjat kerakmi?Ma’muriy jarima qarori ustidan shikoyatQaror nusxasini olgan kundan 10 kun ichida beriladi. Shablon organ, qaror raqami, asoslar va dalillarni so‘raydi, moddalarni o‘zi qo‘shadi.Bepul sinab ko‘ring — oyiga 5 ta hujjat

Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.