Ma'muriy organning mansabdor shaxsi ma'muriy organ nomidan ma'muriy ish yuritishda ishtirok etishga quyidagi hollarda haqli emas, agar u:
mazkur ma'muriy ish yuritishda manfaatdor shaxs bo'lsa;
ma'muriy ish yuritishda ishtirok etuvchi manfaatdor shaxslardan biri bilan qarindoshlik yoki qayin-bo'yinchilik va quda-andachilik munosabatida bo'lsa (bo'lgan bo'lsa);
ma'muriy ish yuritishda ishtirok etuvchi manfaatdor shaxslardan birining vakili bo'lsa yoki ilgari uning vakili sifatida ayni shu ma'muriy ish yuritishda ishtirok etgan bo'lsa;
mazkur ma'muriy ishni yuritishda ma'muriy ishni hal etishga ko'maklashuvchi shaxs sifatida ishtirok etayotgan bo'lsa yoki ilgari ishtirok etgan bo'lsa;
boshqacha tarzda shaxsan, bevosita yoki bilvosita ma'muriy ishni hal etish natijasidan manfaatdor bo'lsa yoki uning xolisligiga shubha tug'diruvchi boshqa holatlar mavjud bo'lsa.
Ma'muriy ishni hal etishga ko'maklashuvchi shaxslarni rad qilish to'g'risida ushbu modda birinchi qismining ikkinchi, uchinchi, to'rtinchi va oltinchi xatboshilariga muvofiq, shuningdek ushbu shaxslarning mazkur ma'muriy ish holatlari bo'yicha ilgari xulosa berganligi yoki ularning ma'muriy ishni ko'rib chiqayotgan ma'muriy organning mansabdor shaxsiga, ma'muriy ish yuritishning boshqa ishtirokchilariga yoki ularning vakillariga xizmat yuzasidan yoxud boshqacha tarzda tobe bo'lganligi asosida arz qilinishi mumkin.
lex.uz’dagi asl matn«Ma'muriy tartib-taomillar to'g'risida»gi qonun
31-modda. Ma'muriy ish yuritishda ishtirok etish imkoniyatini istisno qiluvchi holatlar
Oddiy tilda
**Nimani anglatadi**
Ma'muriy organ xodimi ma'muriy ishda ishtirok etishi mumkin emas, agar u shaxsan manfaatdor bo'lsa, qarindosh bo'lsa yoki ishning natijasidan foyda ko'rsa. Shuningdek, agar u avval bu ishda yordamchi sifatida ishlagan bo'lsa yoki boshqa shaxsning vakili bo'lsa, ishtirok eta olmaydi.
**Kimga tegishli**
Bu qoida ma'muriy organlarning mansabdor shaxslariga, ya'ni xodimlariga tegishli.
**Amalda**
Masalan, qishloq hokimi o'z oilasining er-xotini bilan zamin muammosi bo'yicha ma'muriy ishda qaror qabul qila olmaydi, chunki u shaxsan manfaatdor. Yoki hokimning sobiq vakili shu ishda ishtirok eta olmaydi, chunki avval bu shaxsning vakili sifatida ishlagan.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.