Reklama to'g'risidagi qonunchilik buzilganligi vakolatli davlat organi tomonidan aniqlangan taqdirda, qonunbuzar mazkur organning qaroriga binoan va u ko'rsatgan muddatda aksilreklamani amalga oshirishi shart.
Aksilreklama ixtiyoriy ravishda yoki vakolatli davlat organining qarori yoxud sudning qaroriga binoan amalga oshirilishi mumkin.
Agar qonunbuzar aksilreklamani belgilangan muddatda amalga oshirmasa, vakolatli davlat organi qonunbuzarning reklamasini u aksilreklamani amalga oshirguniga qadar to'liq yoki qisman to'xtatib turish to'g'risida qaror qabul qilishga hamda bu haqda reklama to'g'risidagi qonunchilikni buzgan shaxs bilan shartnoma tuzgan taraflarni xabardor qilishga haqlidir.
Aksilreklama raddiya berilayotgan reklama qaysi reklama vositalarida amalga oshirilgan bo'lsa, ayni o'sha reklama vositalarida, ayni o'sha davomiylik, makon, joy va tartibdan foydalangan holda amalga oshiriladi.
Aksilreklamaning mazmuni qonunbuzarlik holatini aniqlagan va uni tuzatish to'g'risida qaror qabul qilgan vakolatli davlat organi bilan kelishiladi. Ayrim hollarda aksilreklama amalga oshiriladigan reklama vositasini, davomiylikni, joyni va tartibni ushbu organning qaroriga ko'ra o'zgartirishga yo'l qo'yilishi mumkin;
Aksilreklamani amalga oshirish bilan bog'liq barcha xarajatlarning o'rni qonunbuzar tomonidan qoplanadi.
lex.uz’dagi asl matn22-modda. Aksilreklama
Oddiy tilda
AKSILREKLAMA
Nimani anglatadi
Aksilreklama — qonun buzgan shaxsning noto'g'ri reklamasini tuzatish uchun shu shaxs tomonidan o'z xarajati bilan chiqariladigan qayta reklama. Agar qonunbuzar o'zi aksilreklamani chiqarmasa, davlat organi uning reklamasini to'xtatib qo'yishi mumkin.
Kimga tegishli
Reklama qonunini buzgan har qanday shaxs yoki tashkilot aksilreklamani chiqarishga majbur bo'ladi.
Amalda
Masalan, kompaniya noto'g'ri reklama chiqarsa, davlat organi uni tuzatish uchun shu kompaniyaga aksilreklama chiqarish buyrug'i beradi. Kompaniya shu reklama chiqirilgan bir xil vositada, bir xil vaqtda va joyda tuzatish reklamasini chiqarishi kerak, aks holda uning asosiy reklamasi to'xtatiladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.