Bevosita soliq tekshiruvini o'tkazuvchi soliq organlari mansabdor shaxslarining tekshirilayotgan shaxsning hududiga yoki binosiga kirishi ushbu mansabdor shaxslar tomonidan xizmat guvohnomalari va soliq organi rahbarining (rahbari o'rinbosarining) ushbu shaxsning soliq tekshiruvini o'tkazish to'g'risidagi buyrug'i (qarori) taqdim etilgan taqdirda amalga oshiriladi.
Soliq organlarining bevosita soliq tekshiruvini o'tkazuvchi mansabdor shaxslari ko'rsatilgan ob'yektlar to'g'risidagi aniq ma'lumotlarning tekshirilayotgan shaxs tomonidan taqdim etilgan hujjatlarga asoslangan ma'lumotlarga muvofiqligini aniqlash maqsadida tekshirilayotgan shaxsning tadbirkorlik faoliyatini amalga oshirish uchun foydalaniladigan hududlarini yoki binosini yoxud soliq solish ob'yektlarini ko'zdan kechirishni o'tkazishi mumkin.
Soliq organlarining soliq tekshiruvini o'tkazuvchi mansabdor shaxslariga mazkur hududlarga yoki binolarga (bundan turar-joy binolari mustasno) kirishiga to'sqinlik qilingan taqdirda soliq organining mansabdor shaxsi o'zi va tekshirilayotgan shaxs tomonidan imzolanadigan dalolatnomani tuzadi. Bunday dalolatnoma asosida soliq organi tekshirilayotgan shaxs to'g'risida o'zida mavjud bo'lgan ma'lumotlar yoki xuddi shunday soliq to'lovchilar to'g'risidagi ma'lumotlar asosida to'lanishi lozim bo'lgan soliq summasini mustaqil tarzda aniqlashga haqli. Tekshirilayotgan shaxs ko'rsatilgan dalolatnomani imzolashni rad etgan taqdirda mazkur dalolatnomaga tegishli qayd kiritiladi.
Soliq tekshiruvini o'tkazuvchi soliq organlari mansabdor shaxslarining turar-joy binolariga ularda yashovchi jismoniy shaxslarning xoxishiga qaramay yoki xoxishiga qarshi qonunda yoki sudning qarori asosida belgilangan hollardan boshqacha tarzda kirishiga yo'l qo'yilmaydi.
lex.uz’dagi asl matn144-modda. Mansabdor shaxslarning soliq to'lovchining hududiga kirishi
Oddiy tilda
**Nimani anglatadi**
Soliq inspektorlari soliq to'lovchining ofisi yoki do'koniga kirish uchun xizmat guvohnomasini va rahbarning buyrug'ini ko'rsatishi kerak. Agar kirish rad etilsa, inspektorlar mavjud ma'lumotlar asosida soliq hisoblab chiqishlari mumkin. Turar-joy binolariga faqat qonun yoki sud qarori asosida kiriladi.
**Kimga tegishli**
Bu qoida soliq organlarining mansabdor shaxslariga va soliq to'lovchilariga tegishli.
**Amalda**
Dukandor soliq inspektoriga kirish rad etdi. Inspektori dalolatnoma tuzdi va mavjud hujjatlardan soliq hisoblab chiqdi. Agar dukandor dalolatnomani imzolashni rad etsa, bu rad etish qayd qilinadi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.