Agar soliqqa oid huquqbuzarlik sodir etilgan kundan e'tiboran yoki mazkur huquqbuzarlik sodir etilgan soliq davri tugaganidan keyingi kundan e'tiboran va javobgarlikka tortish to'g'risidagi qaror chiqarilgan paytga qadar uch yil (o'tish muddati) o'tgan bo'lsa, shaxs soliqqa oid huquqbuzarlik sodir etganlik uchun javobgarlikka tortilishi mumkin emas.
Soliqqa oid huquqbuzarlik sodir etilgan kundan e'tiboran muddatning o'tishini hisoblab chiqarish barcha soliqqa oid huquqbuzarliklarga nisbatan qo'llaniladi, ushbu Kodeksning 223 va 224-moddalarida nazarda tutilgan soliqqa oid huquqbuzarliklar bundan mustasno.
Muddatning o'tishini tegishli soliq davri tugaganidan keyingi kundan e'tiboran hisoblab chiqarish ushbu Kodeksning 223 va 224-moddalarida nazarda tutilgan soliqqa oid huquqbuzarliklarga nisbatan qo'llaniladi.
Agar soliqqa oid huquqbuzarlik uchun javobgarlikka tortilayotgan shaxs soliq tekshiruvini o'tkazishga faol qarshilik ko'rsatgan bo'lsa va ushbu soliq tekshiruvini o'tkazish hamda byudjet tizimiga to'lanishi lozim bo'lgan soliq summalarini soliq organlari tomonidan aniqlash uchun bartaraf etib bo'lmaydigan to'siqqa aylangan bo'lsa, javobgarlikka tortish muddatining o'tishi to'xtatiladi.
Javobgarlikka tortish muddatining o'tishi ushbu Kodeks 144-moddasining uchinchi qismida nazarda tutilgan dalolatnoma tuzilgan kundan e'tiboran to'xtatilgan deb hisoblanadi. Mazkur holatda javobgarlikka tortish muddatining o'tishi sayyor soliq tekshiruvini o'tkazishga to'sqinlik qiluvchi holatlarning amal qilishi tugagan va muddat o'tishini tiklash to'g'risidagi qaror chiqarilgan kundan e'tiboran qayta tiklanadi.
lex.uz’dagi asl matn217-modda. Javobgarlikka tortish muddatining o'tishi
(217-модданинг биринчи қисми Ўзбекистон Республикасининг 2023 йил 28 декабрдаги ЎРҚ-891-сонли Қонуни таҳририда — Қонунчилик маълумотлари миллий базаси, 29.12.2023 й., 03/23/891/0989-сон — 2024 йил 1 январдан кучга киради)
Oddiy tilda
**Nimani anglatadi**
Soliq qonunini buzgan odam uchun javobgarlik cheklangan vaqt mavjud. Agar huquqbuzarlik sodir bo'lgan kundan yoki soliq davri tugaganidan keyin uch yil o'tib ketsa, shaxs javobgarlikka tortilmaydi. Bu vaqt soliq organi tekshiruv qilayotganda to'xtaydi.
**Kimga tegishli**
Bu qoida soliq qonunini buzgan barcha shaxslarga, jumladan jismoniy va yuridik shaxslarga tegishli.
**Amalda**
Savdo do'koni egasi 2022 yilning yanvar oyida soliq to'lamadi. Soliq organi 2025 yilning dekabr oyida bu haqda bilsa, uch yil o'tib ketgani uchun uni jarima qilmaydi. Lekin agar 2024 yilida tekshiruv boshlansa, muddat to'xtaydi va javobgarlik mumkin bo'ladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.