Qoraqalpog'iston Respublikasi sudi, viloyat, Toshkent shahar sudi raisi:
sud faoliyatiga tashkiliy rahbarlikni amalga oshiradi;
sud rayosatini chaqiradi va uning majlislarida raislik qiladi;
sud rayosatining qarorlari bajarilishi ustidan nazoratni amalga oshirish bo'yicha ishlarni tashkil etadi;
sud majlislarida raislik qiladi;
quyi turuvchi sudlarning faoliyatini tashkil etishga ko'maklashadi;
sudyalarning, sud apparati xodimlarining hamda xalq maslahatchilarining malakasini oshirish bo'yicha ishlarini tashkil etadi;
sud amaliyotini umumlashtirish, sud amaliyoti obzorlarini tayyorlash va sud statistikasini yuritish ishini tashkil etadi;
jismoniy shaxslarni, yuridik shaxslarning vakillarini shaxsan qabul qiladi va ularning murojaatlarini ko'rib chiqish bo'yicha ishlarni tashkil etadi;
sudyalar malaka hay'ati qarorlari, xulosalari ustidan Sudyalar oliy malaka hay'atiga taqdimnomalar kiritadi;
sudyalarning aholi bilan uchrashuvlarini tashkil etadi, shuningdek jamoatchilikni har chorakda sudning faoliyati to'g'risida ommaviy axborot vositalari orqali xabardor qilib boradi;
sud apparati ishlariga rahbarlik qiladi, sud xodimlari bilan mehnat shartnomalarini tuzadi va bekor qiladi.
Qoraqalpog'iston Respublikasi sudi, viloyat, Toshkent shahar sudi raisi qonunga muvofiq boshqa vakolatlarni ham amalga oshirishi mumkin.
Qoraqalpog'iston Respublikasi sudi, viloyat, Toshkent shahar sudi raisi yo'qligida uning vakolatlari O'zbekiston Respublikasi Oliy sudi raisi tomonidan tegishli sud raisining o'rinbosarlaridan birining zimmasiga yuklatilishi mumkin.
lex.uz’dagi asl matn37-modda. Qoraqalpog'iston Respublikasi sudi, viloyat, Toshkent shahar sudi raisi
(37-модда биринчи қисмининг ўн биринчи хатбошиси Ўзбекистон Республикасининг 2024 йил 14 августдаги ЎРҚ-943-сонли Қонунига асосан чиқарилган — Қонунчилик маълумотлари миллий базаси, 14.08.2024 й., 03/24/943/0616-сон)
Oddiy tilda
Nimani anglatadi
Sud raisi - bu yuqori darajadagi sudning bosh rahbari. U sudning barcha ishlarini boshqaradi, sudyalarni nazorat qiladi va sud apparatining ishlashini ta'minlaydi. Sud raisi sudning tashkiliy, ma'rifiy va boshqaruv ishlaridan javobgardir.
Kimga tegishli
Bu vakolatlar Qoraqalpog'iston Respublikasi, viloyat va Toshkent shahar sudlarining raislariga tegishli.
Amalda
Masalan, sud raisi sudyalarning malakasini oshirish uchun o'quv kurslarini tashkil etadi, sud apparati xodimlarini ishga oladi va ularning ish shartnomasini tuzadi, jamoatchilikka sud faoliyati haqida ma'lumot beradi, quyi sudlarning ishlashini nazorat qiladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.