Sudgacha sanatsiya qilishning asosiy chora-tadbirlari quyidagilardan iborat:
to'lov muddati o'tkazib yuborilgan qarzlarni to'liq yoki qisman sotib olish;
ishlab chiqarishni raqobatbardosh mahsulot chiqarishga moslab qayta ixtisoslashtirish;
chetdan yuqori malakali mutaxassislarni jalb etish;
xodimlarni tayyorlash, qayta tayyorlash va ularning malakasini oshirish;
qarzdorning to'lov qobiliyati tiklanishi hamda faoliyatini davom ettirishidan manfaatdor bo'lgan yuridik va jismoniy shaxslar tomonidan moliyaviy yordam ko'rsatish;
qarzdorning faoliyatni davom ettirishi uchun kreditorlarga to'lanadigan to'lovlar muddatini kechiktirish va (yoki) uni bo'lib-bo'lib to'lash yoxud qarzlardan chegirma berish to'g'risida qarzdor va kreditorlar o'rtasida kelishuvga erishishga qaratilgan bitim;
soliqlar hamda yig'imlarni to'lashni va kreditlarni qaytarishni sudgacha sanatsiya qilish muddatiga kechiktirish;
qarzdor yuridik shaxsni qayta tashkil etish.
Sudgacha sanatsiya qilish tartib-taomilida boshqa chora-tadbirlar ham bo'lishi mumkin.
Sudgacha sanatsiya qilishni davlat tomonidan yordam ko'rsatgan holda o'tkazish O'zbekiston Respublikasi Vazirlar Mahkamasi tomonidan vakolat berilgan organning qarori asosida amalga oshiriladi.
Sudgacha sanatsiya qilishni davlat tomonidan yordam ko'rsatgan holda o'tkazish tartibi qonunchilikda tartibga solinadi.
Sudgacha sanatsiya qilish qarzdorga davlat tomonidan yordam ko'rsatgan holda o'tkazilayotganda qarzdorga uning xizmat ko'rsatib kelayotgan bankdagi ishlab turgan hisobvaraqlari to'xtatib qo'yilib, so'mlardagi va (yoki) valyutadagi sanatsiya hisobvarag'i ochiladi. Sanatsiya hisobvarag'idan foydalanish tartibi qonunchilikda belgilanadi.
lex.uz’dagi asl matn«To'lovga qobiliyatsizlik to'g'risida»gi qonun (bankrotlik)
34-modda. Sudgacha sanatsiya qilishning asosiy chora-tadbirlari
Oddiy tilda
**Sudgacha sanatsiya qilishning asosiy chora-tadbirlari**
Nimani anglatadi
Sudgacha sanatsiya — bu bankrotlikka tushib qolgan kompaniyani mahkamaga borishdan oldin sog'aytirishning turli usullari. Bunga qarz to'lash muddatini uzaytirish, ishlab chiqarishni yaxshilash, yangi mutaxassislar jalb etish va moliyaviy yordam berish kiradi. Maqsad — kompaniyani yana faoliyatini davom ettirishga qodir qilish.
Kimga tegishli
Bu chora-tadbirlar to'lov qobiliyatsizlikka uchragan yuridik shaxslar (kompaniyalar) uchun qo'llaniladi.
Amalda
Masalan, kiyim fabrikasi qarzini to'lay olmasa, sanatsiya jarayonida uning qarzini qisman sotib olish, yangi texnologiya kiritish va xodimlarni qayta tayyorlash orqali ishlab chiqarishni yaxshilash mumkin. Shuningdek, kreditorlar bilan qarz to'lash muddatini uzaytirish bo'yicha kelishuvga erishish mumkin.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.