36-band. 4-bob. Avtomotransport vositalarini vaqtinchalik ro'yxatdan o'tkazish — 36-band

Lizingga (sublizingga) berilayotgan avtomototransport vositasini vaqtinchalik ro'yxatdan o'tkazish uchun egasi yoki uning vakili YHXX va uning hududiy boshqarmalariga quyidagi hujjatlarni taqdim etadi: avtomototransport vositasining egasi yoki uning vakilining belgilangan namunadagi arizasi; avtomototransport vositasi egasining yoki uning vakilining shaxsini tasdiqlovchi hujjati; avtomototransport vositasini ro'yxatdan o'tkazish to'g'risidagi guvohnomasi yoki distribyutor yoki diler tashkiloti tomonidan beriladigan elektron hisob-ma'lumotnoma; avtomototransport vositasining lizing yoki sublizing shartnomasi (qonunchilikda belgilangan holatlarda — notarius tomonidan tasdiqlanganligi); YHXX va uning hududiy boshqarmalarining ro'yxatdan o'tkazish harakatlarini amalga oshirishdagi xizmatlari uchun belgilangan miqdordagi to'lovlarning to'langanligi haqida bank to'lov hujjati (to'lovlarni to'lashdan ozod etilgan shaxslar bundan mustasno).