Qarzdor sud sanatsiyasi rejasini va (yoki) qarzni to'lash jadvalini bajarmagan taqdirda (qarz belgilangan muddatlarda va (yoki) belgilangan hajmlarda to'lanmaganda), u qarzni to'lash jadvaliga kiritish mo'ljallanayotgan o'zgartishlarni ma'qullash to'g'risidagi iltimosnoma bilan kreditorlarga talablarni bajarish sanasi boshlangan vaqtdan e'tiboran ikki hafta muddat ichida murojaat qilishga haqli. Iltimosnomaning ko'chirma nusxasi sanatsiya qiluvchi boshqaruvchiga yuboriladi. Sanatsiya qiluvchi boshqaruvchi iltimosnoma olingan paytdan e'tiboran ikki haftadan kechiktirmay ushbu iltimosnoma asosida kreditorlarning yig'ilishini chaqiradi.
Agar kreditorlar sud sanatsiyasi rejasini va qarzni to'lash jadvalini to'liq yoki qisman bajarishning imkoni mavjud emasligini aniqlasa yoxud ularni faqat o'zgartishlar kiritish orqali amalga oshirish imkoni mavjud deb hisoblasa, sud sanatsiyasi rejasiga va qarzni to'lash jadvaliga sud o'zgartish kiritishi mumkin.
Kreditorlar yig'ilishining sud sanatsiyasi rejasiga va (yoki) qarzni to'lash jadvaliga o'zgartishlar kiritish haqidagi qarori ushbu Qonunning 100-moddasida belgilangan tartibda qabul qilinadi.
Agar qarzni to'lash jadvaliga o'zgartishlar kiritish to'g'risida qaror qabul qilinsa, kreditorlarning yig'ilishi qarzni to'lash jadvalidagi o'zgartishlarni tasdiqlash haqidagi iltimosnoma bilan sudga murojaat qilish to'g'risida qaror qabul qiladi.
To'lovga qobiliyatsizlik to'g'risida ish qo'zg'atilganligi haqida o'z vaqtida xabardor qilinmagan va qarzni to'lash jadvali sud tomonidan tasdiqlanganidan keyin ishga qo'shilgan kreditorning talablari yoki ushbu kreditorning qaysi talablari bo'yicha majburiyatlarni bajarish muddati kuzatuv tartib-taomili jarayonida boshlangan bo'lsa, o'sha talablari sudning ajrimiga ko'ra qarzni uzish jadvaliga kiritiladi.
Sud faqat kreditorlarning talablari reyestriga kiritilgan talablarga nisbatan qarzni to'lash jadvaliga o'zgartishlar kiritish to'g'risida ajrim chiqarishga haqli.
lex.uz’dagi asl matn«To'lovga qobiliyatsizlik to'g'risida»gi qonun (bankrotlik)
101-modda. Sud sanatsiyasi rejasiga va qarzni to'lash jadvaliga o'zgartishlar kiritish
Oddiy tilda
**Nimani anglatadi**
Agar qarzdor belgilangan muddatlarda qarzni to'lamasa, u to'lash jadvalini o'zgartirishni so'rashi mumkin. Kreditorlar (pul berganlar) bu o'zgartirishlarni ko'rib chiqadi va agar to'lash imkoni bo'lmasa, sud jadvalga o'zgartishlar kiritishi mumkin. Agar o'zgartishlar qabul qilinsa, kreditorlar buni sudga tasdiqlash uchun murojaat qiladi.
**Kimga tegishli**
Bu modda qarzdor, kreditorlar va sud sanatsiya qiluvchi boshqaruvchiga tegishli.
**Amalda**
Shaxs 10 million so'mni 12 oyda to'lashi kerak edi, lekin 6 oydan keyin to'la olmadi. U kreditorlardan muddatni uzaytirish va oylik to'lovni kamaytirish haqida so'rov yuboradi. Kreditorlar yig'ilishi buni ko'rib chiqib, yangi jadval tasdiqlab sudga yuboradi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.