Kreditorlar qo'mitasi kreditorlarning manfaatlarini ifoda etadi hamda sud boshqaruvchilarining harakatlari (harakatsizligi) ustidan nazoratni amalga oshiradi.
Kreditorlar qo'mitasi tarkibiga kreditorlar yig'ilishi tomonidan belgilanadigan miqdorda kreditorlar vakillari kiritiladi.
Agar kreditorlar soni yigirmatadan kam bo'lsa, kreditorlar qo'mitasining vazifalari kreditorlar yig'ilishining qarori bilan kreditorlar yig'ilishi zimmasiga yuklatish nazarda tutilishi mumkin.
O'z zimmasiga yuklatilgan vazifalarni amalga oshirish uchun kreditorlar qo'mitasi quyidagilarga haqli:
sud boshqaruvchisidan qarzdorning moliyaviy ahvoli va to'lovga qobiliyatsizlik tartib-taomilining borishi to'g'risida axborot taqdim etishni talab qilishga;
sud boshqaruvchisining harakatlari (harakatsizligi) ustidan sudga shikoyat berishga;
to'lovga qobiliyatsizlik to'g'risidagi ishda ishtirok etish uchun o'z vakilini saylashga;
ushbu Qonunda va sud sanatsiyasi yoki tashqi boshqaruv rejasida nazarda tutilgan boshqa harakatlarni amalga oshirishga.
Kreditorlar qo'mitasi quyidagi qarorlarni qabul qilishga haqli:
kreditorlar yig'ilishini chaqirish to'g'risidagi qaror;
sud boshqaruvchisining tayinlanishi, almashtirilishi yoki vazifasidan ozod qilinishi to'g'risidagi iltimosnoma bilan sudga murojaat etishni kreditorlar yig'ilishiga tavsiya qilish haqidagi qaror;
qarzdorning yirik bitimlarini hamda amalga oshirilishidan qarzdor manfaatdor bo'lgan bitimlarini tasdiqlash yoki ularni tasdiqlashni rad etish to'g'risidagi qaror.
Kreditorlar qo'mitasining majlisida masalalarni hal etishda kreditorlar qo'mitasining har bir a'zosi bir ovozga ega bo'ladi. Kreditorlar qo'mitasining a'zosi ovoz berish huquqini boshqa shaxsga o'tkazishiga yo'l qo'yilmaydi.
Kreditorlar qo'mitasining qarorlari kreditorlar qo'mitasi a'zolari umumiy sonining ko'pchilik ovozi bilan qabul qilinadi.
Kreditorlar qo'mitasi majlislarida qarzdor xodimlarining vakili, sud boshqaruvchisi, qarzdor muassislarining (ishtirokchilarining) yoki qarzdor mol-mulki egasining vakili ovoz berish huquqisiz ishtirok etishi mumkin.
lex.uz’dagi asl matn«To'lovga qobiliyatsizlik to'g'risida»gi qonun (bankrotlik)
19-modda. Kreditorlar qo'mitasi
Oddiy tilda
**Nimani anglatadi**
Kreditorlar qo'mitasi — qarzdorning qarzini to'lashni talab qilayotgan odamlar (kreditorlar) tomonidan tanlangan vakilllardan tashkil topgan guruh. Ular bankrotlik jarayonida sud boshqaruvchisining ishlarini nazorat qiladi va kreditorlarning manfaatlarini himoya qiladi.
**Kimga tegishli**
Bu qo'mita kreditorlarga tegishli, ya'ni qarzdordan pul talab qilayotgan barcha shaxslarga.
**Amalda**
Agar kompaniya qarzini to'lay olmasa, kreditorlar qo'mitasi sud boshqaruvchisidan moliyaviy ahvolni tushuntirish talab qilishi, uning ishlarini tekshirishi va agar noto'g'ri harakat qilsa sudga shikoyat berishiga haqli. Masalan, boshqaruvchi yirik bitimni kreditorlarning roziligi siz tuza olmasligi mumkin.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.