Agar ishlab chiqarish (ish) sharoitlariga ko'ra ish beruvchida ushbu toifadagi xodimlar (shu jumladan noqulay mehnat sharoitlaridagi ishda band bo'lgan xodimlar) uchun belgilangan ish vaqtining kunlik yoki haftalik davomiyligiga rioya etish imkoni bo'lmasa, ish vaqtini jamlab hisobga olishni joriy etishga yo'l qo'yiladi.
Basharti hisobga olish davri uchun ish vaqtining davomiyligi ish soatlari normasidan oshmasa, ish vaqtini jamlab hisobga olish joriy etilishi mumkin. Bunda hisobga olish davri o'n ikki oydan, kunlik ishning (smenaning) davomiyligi esa o'n ikki soatdan oshmasligi kerak.
Ish vaqtini jamlab hisobga olishni qo'llash tartibi, zarur bo'lgan taqdirda esa hisobga olish davri mobaynida xodimlarga to'lanadigan ish haqi miqdorini tenglashtirishga qaratilgan chora-tadbirlar jamoa shartnomasida belgilanadi, agar jamoa shartnomasi tuzilmagan bo'lsa, ish beruvchi tomonidan kasaba uyushmasi qo'mitasi bilan kelishuvga ko'ra aniqlanadi.
Ish vaqtini jamlab hisobga olish ayrim toifadagi xodimlarni ish vaqtidan tashqari ishga jalb etish uchun belgilangan cheklovlarga rioya etilgan holda belgilanadi.
lex.uz’dagi asl matn199-modda. Ish vaqtini jamlab hisobga olishni belgilash va qo'llash tartibi
Oddiy tilda
**Nimani anglatadi**
Ish vaqtini jamlab hisobga olish — bu ish beruvchi xodimlarning kunlik yoki haftalik ish vaqti normasini to'liq bajarishini bir necha oy davomida hisobga olish usuli. Masalan, bir kunida 10 soat, boshqa kunida 8 soat ishlasa, oyning oxirida jami soatlar norma bilan tekshiriladi. Bu usul ishlab chiqarish sharoitlari o'zgaruvchan bo'lgan sohalarda qo'llaniladi.
**Kimga tegishli**
Bu qoida ish beruvchi va xodimlar o'rtasida ish vaqti tartibini belgilaydi, ayniqsa noqulay sharoitlarda ishlaydiganlar uchun.
**Amalda**
Qurilish kompaniyasida ishchilar har kuni turli vaqtda ishlaydi — ba'zan 12 soat, ba'zan 6 soat. Ish beruvchi ularning ish vaqtini oyning oxirida jami hisoblab, norma bilan solishtiradi. Agar norma bajarilgan bo'lsa, xodimlar to'liq ish haqi oladi.
Izoh sun’iy intellekt tomonidan tayyorlangan, rasmiy sharh emas.
Sizning vaziyatingiz shu moddaga mos keladimi?
Bepul so‘rang — vaziyatingizni o‘z so‘zlaringiz bilan yozing
Bepul rejada oyiga 10 ta savol. Karta talab qilinmaydi.
Matn lex.uz’dan olingan. Bu sahifa ma’lumot uchun bo‘lib, rasmiy huquqiy xulosa emas — murakkab holatlarda advokatga murojaat qiling.